"Elektron Təhsil" Müsabiqəsi 2012

Məlum olduğu kimi Təhsil Nazirliyi tərəfindən hər il "Elektron Təhsil" Müsabiqəsi təşkil olunur.  Bu ilki "Elektron Təhsil" Müsabiqəsi 2012  “Təhsildə İnternet texnologiyaları" və “Müasir məktəbdə elektron tədris resursları” istiqamətləri üzrə keçirilir.

Müsabiqənin keçirilməsində əsas məqsəd elektron tədris resurslarından, internet  texnologiyalardan  tədris prosesində istifadəni populyarlaşdırmaq, bu sahədə təhsil ictimaiyyətini məlumatlandırmaq, tədris məqsədləri üçün İnternetdən istifadənin yeni formalarını üzə çıxarmaq, tədris prosesində informasiya texnologiyalarından fəal istifadə edən müəllimləri həvəsləndirməkdən ibarətdir.

Bu ilki Müsabiqənin daha effektiv, şəffaf və ədalətli keçirilməsi məqsədilə qaydalarda müəyyən dəyişikliklər olunub. Dəyişikliklər Əsasnamədə və Tez -tez verilən suallar bölməsində , həmçinin Təşkilat Komitəsinin açıqlamasında öz əksini tapıb.

Müsabiqədə əsasən təhsil müəssisələrində çalışanlar, müəllimlərin təkmilləşdirilməsi ilə məşğul olanlar, valideynlər və şagirdlər  iştirak edə bilərlər. Müsabiqədə, həmçinin, pedaqoji ali təhsil müəssisələrinin tələbələri və aspirantları da iştirak edə bilərlər. 
Müsabiqədə iştirak etmək üçün Qeydiyyatdan keçmək lazımdır. Yalnız qeydiyyatdan keçən istifadəçilər Müsabiqəyə Layihələrini (işlərini) təqdim edə və artıq müsabiqəyə qəbul olunan layihələrə öz rəylərini ( şərhlərini) yaza bilərlər. 

QEYDİYYAT